Á leiðinni til Ísland
Við erum á leiðinni út úr dyrunum eftir nokkrar mínútur. Ég geri ekki ráð fyrir að það verði mikið skrifað á þessarri síðu á meðan við erum á Íslandi. Við förum aftur út til Parísar 2. jan. Hlakka til að sjá alla, Gleðileg jól.
Skrifad 12/20/2004 | Jón Þór Sigurvinsson |

Frost & Þoka
Í byrjun viku var fyrsta frostið hér í París. Hér hefur verið þoka síðan á mánudaginn og rakinn er svo mikill að það myndaðist ís á öllu. Það var magnað að koma út fyrir París, því þar var allt hvítt, bókstaflega allt! Enginn "snjór" bara allt frosið. Síðan fór þokunni að létta til í gær. Þá breyttist hitinn mjög hratt og ísinn í trjánum bráðnaði sem myndaði eins konar rigningu í smá stund. Annað magnað voru skilin á milli sóla/skugga. Þar sem sólin skein var bleyta og þar sem hún náði ekki var allt frosið.
Skrifad 12/15/2004 | Jón Þór Sigurvinsson |

Skrapp til Grenoble
Við skiluðum Porsche-inum um helgina og fórum einmitt í þrítugsafmæli hjá sama fólki. Það var mjög gaman, þrátt fyrir að við gætum ekki verið lengi því það var vaknað snemma daginn eftir til að byrja að læra.

Í gær skrapp ég til Grenoble til að kynna framgang verkefnisins fyrir CEA í Grenoble. Þar eru helstu sérfræðingarnir í varmaflutningsfræði hluta verkefnisins og ég þarf að ráðfæra mig við þá af og til. Ég hitti örstutt á Svanhildi sem er núna ein í Grenoble því Mundi er farinn heim að vinna. Svanhildur verður einmitt samferða okkur heim þann 20. des. Það styttist hratt í 20. des og aðeins 9 dagar eftir af prófum hjá Guðrúnu, við hlökkum mikið til að koma heim og heimsækja fjölskyldu og vini.
Skrifad 12/8/2004 | Jón Þór Sigurvinsson |

Fengum okkur Porsche
Ok, við fengum okkur kannski ekki Porsche, en við erum hins vegar með eitt stykki, 911 Carrera, 2000 módel ekinn 40k, 300hp í láni fram á sunnudag. Vinur okkar sem er með Guðrúnu í HEC á þennan bíl. Hann er að fá 2 vini sína í heimsókn en bíllinn tekur alls ekki 2 farþega og farangur svo hann spurði mig hvort ég gæti gert honum "greiða". Við ákváðum að hjálpa honum. Þetta er ótrúlegur bíll, mjög gaman hjá okkur þessa dagana!

Skrifad 12/2/2004 | Jón Þór Sigurvinsson |