Nýtt símanúmer & sími
Núna fengum við okkur loksins símanúmer 2 fyrir heimilið. Við skráðum okkur í ársþjónustu hjá local fyrirtæki og fengum þennan eðalsíma með á 50€. Símanúmerin eru eftirfarandi:
Heima: +33 140848269
Guðrún GSM: +33 621601949
Jón Þór GSM: +33 627390321
Skrifad 7/28/2004 | Jón Þór Sigurvinsson |

Snillingar
CEA svæðið er frekar stórt og það vinna yfir 1000 manns hér. Þegar inn fyrir svæðið er komið er hámarkshraði á götunum 30km/klst og mjög einfalt að keyra um. Ég var hins vegar rétt í þessu (innan við mínúta síðan) vitni að árekstri inni á svæðinu. Ég verð nú að segja að þú þarft að vera snillingur til að geta lent í árekstri við þessar aðstæður! Núna er blóðheitur Frakki blótandi umferðaskilti í sand og ösku hér fyrir utan gluggan minn! hahahaha!
Skrifad 7/27/2004 | Jón Þór Sigurvinsson |

Ísland
Guðrún fór heim fyrir helgi. Hún verður heima í 3 vikur og ég kem til landsins 6. ágúst og verð 1 viku. Við vorum að spá í að keyra eitthvað um Frakkland á þessum tíma því ég á frí í vinnunni. Umferðin og hitinn er hins vegar í hámarki á þessum tíma svo það hefði verið erfitt. Við ákváðum því að fara bara heim, svosem eins gott því kokteilsósan var alveg að verða búin.
Skrifad 7/26/2004 | Jón Þór Sigurvinsson |

Strönd í París
Íbúar og ferðamenn í París geta næstu vikurnar skellt sér á baðströnd í borginni því í gær opnuðu þrjár baðstrendur á þriggja og hálfs kílómetra löngu svæði við Signu. Þannig að það verður ekki langt fyrir okkur að skreppa á ströndina í fríinu. Þetta er víst þriðja sumarið í röð sem settar eru upp strendur í borginni. Strendurnar verða opnar næstu sex vikurnar. Það er alltaf verið að gera þetta flottara og í ár þá er búið að bæta við stórri sundlaug enda ekki sniðugt að synda í Signu. Kostnaðurinn við þetta nemur yfir tveimur milljónum evra eða nærri 200 milljónum króna.

Skrifad 7/22/2004 | Gudrun Thorgeirsdottir |

Ræktunarkort
Um helgina var verslað líkamsræktarkort, enda löngu kominn tími til. Stöðin er rétt hjá okkur og er mjög flott. Innifalið er einkaþjálfari á 6 vikna fresti sem setur upp prógramm og fylgist með manni, allir tímar og fleira. Snilldin að mínu mati var hins vegar sú að það er lítil sundlaug þarna líka. Engin afsökun lengur!
Skrifad 7/21/2004 | Jón Þór Sigurvinsson |

Bæjarins Beztu
Ég ætlaði alltaf að setja þessa mynd á netið og steingleymdi því. Hluti af því sem ég sýndi prófessorunum mínum þegar þeir heimsóttu Ísland var að sjálfsögðu: Þingvellir, Bláa lónið, Vetnisstrætóar og.... Bæjarins Beztu! Þeir voru svona líka hrifnir af því. Á myndinni sjást prófessorarnir mínir tveir (Paris/Grenoble) og svo yfirmaður research & development CEA.

Skrifad 7/16/2004 | Jón Þór Sigurvinsson |

14. júlí
Í dag er þjóðhátíðardagur Frakka. Það er mikið um að vera með skrúðgöngum á Champs Elysée og öllu tilheyrandi. Það var hins vegar mjög mikið um að vera í gær líka. Í hverjum bæjarhluta var haldið upp á daginn með dramatískri flugeldasýningu. Við búum við hliðina á borgarstjóranum í Montrouge svo flugeldasýningin var rétt fyrir utan húsið okkar. Sýningin hófsl kl 23 í gær með svaka tónlist og flugeldum. Þar sem að það eru 60 síðan að París var frelsuð frá Þjóðverjum (25. ágúst 1944) var búið að koma upp skriðdreka við Borgarstjórahúsið til að mynda stemmingu seinni heimstyrjaldarinnar. Flugeldasýningin var einmitt í þeim dúr líka, byrjaði á hernámi Þjóðverja með flugeldum og tónlist í samræmi við það og endaði með því að Frakkar fengu langið sitt tilbaka. Við tókum nokkrar myndir en flestar heppnuðust illa vegna myrkurs. Hér eru þær:
-->Mynd 1<--
-->Mynd 2<--
Skrifad 7/14/2004 | Jón Þór Sigurvinsson |

Myndir
Það er búið að vera ansi kalt hér síðustu daga. Skýjað og 15-18 °C sem er frekar kalt í þessum raka. Samkvæmt veðurspánni fáum við ekki að sjá sól fyrr en á laugardaginn. Sólarmyndirnar frá Cannes eru hins vegar komnar á myndasíðuna .
Skrifad 7/13/2004 | Jón Þór Sigurvinsson |

Mundi & Svanhildur
Í gær fóru Mundi og Svanhildur heim. Þau voru í heimsókn hjá okkur yfir helgina. Því miður var veðrið ekki gott og því var minna skoðað en til stóð. Tíminn var nýttur í að borða góðan mat, spila og danza. Það var þó mikið áfall að Græna Sósan var lokuð. Græna Sósan tók sig til og ákvað að loka allan júlí! Helgin var þó alger snilld, eins og alltaf þegar við gerum eitthvað skemmtilegt með M&S. Takk fyrir komuna.
Skrifad 7/12/2004 | Jón Þór Sigurvinsson |

Vel heppnuð ferð
Við vorum að koma heim frá því að skutla mömmu og pabba út á flugvöll. Það er búið að vera frábært að hafa þau. Við tókum góðan Frakklands pakka á meðan þau voru hérna. Við skoðuðum París og frönsku rivíeruna og skruppum til Mónakó. Það er alltaf að bætast við húsgögnin hjá okkur og núna erum við komin með borðstofuborð og stóla. Það er þvílíkur munur að geta núna lagt frá sér bæði diskinn og glasið án vandræða.
Skrifad 7/6/2004 | Gudrun Thorgeirsdottir |

Komin tilbaka
Þá erum við komin tilbaka eftir viku frí í Cannes. Við höfðum það alveg ótrúlega gott þar. Slöppuðum af, lágum í sólbaði og borðuðum góðan mat. Við skruppum til Mónakó og keyrðum þar eftir Formúlu 1 brautinni í Monte Carlo. Monte Carlo er alveg mögnuð borg og ríkidæmið ótrúlegt. Snekkjur á stærð við frystitogara og bílaflotinn ekkert nema Porche, Ferrari, Rolls Royce, BMW og Benz. Við tókum fullt af myndum sem við hendum inn í vikunni. Í dag komu hins vegar inn eldri myndir af heimsókn fjölskyldunnar minnar í júní. Myndirnar eru komnar á Myndasíðuna
Skrifad 7/4/2004 | Jón Þór Sigurvinsson |