Bretti
Okkur til mikillar ánægju þá er alltaf að aukast við snjóinn í fjöllunum. Við höfum reyndar ekki enn séð snjó hér í Vizille en hitastigið er þessa dagana í kring um 5°. Í dag opna skíðasvæðin í kring um Grenoble. Ég var að enda við að sækja brettið mitt úr "vaxi" hjá leigusalanum okkar, Pat, en hún rekur snjóbrettabúð fyrir þá sem ekki vissu það ennþá. Við erum einmitt nýbúin að versla hjá henni snjóbretti og skíðaföt fyrir Guðrúnu og brettaskó fyrir mig. Ég geri ráð fyrir því að að við förum á bretti saman um næstu helgi.
Skrifad 11/28/2003 | Jón Þór Sigurvinsson |

Fjallageit
Ég fór aftur að klifra í gær og er alltaf að læra eitthvað nýtt. Í gær þá lærði ég að þræða klettasyllur á öruggan hátt. Mér stóð samt ekki alveg á sama því að það rigndi um morguninn þannig að það var allt vel hált. Við klifruðum og þræddum klettasyllur þar til við vorum komin í 40 metra hæð og þá tók við að reyna að komast niður aftur. En þar sem við héngum á frekar mjórri klettasyllu tók kennarinn okkur í skyndikúrs um hvernig er hægt að láta sig síga niður með því að nota reipi og áttu (lítur nákvæmlega eins og átta út). Ég hélt að sænska vinkona mín ætlaði ekki að verða eldri. En kennaranum tókst á endanum að sannfæra hana um að þetta væri hættulaust og hálftíma síðar var hún komin niður. Ég var talsvert fljótari niður og fannst þetta svo skemmtilegt að ég fór tvær ferðir í viðbót.

Grenoble er alger klifurparadís þar sem það eru klifurleiðir hér út um allt í fjöllunum í kring. Svo er hægt að velja um þrjú klifurhús þar sem klifrað er innandyra.
Skrifad 11/26/2003 | Gudrun Thorgeirsdottir |

Lyon - Verslunarferð
Eftir frábært föstudagskvöld með Munda og Svanhildi, þar sem var spilað og spjallað fram á nótt, skelltum við okkur til Lyon snemma daginn eftir. Þar fórum við í stærsta moll Evrópu og versluðum í nokkra tíma. Okkur Guðrúnu tókst að versla flestallar jólagjafir og rúmlega það. Eftir verslunarátökin kíktum við í bæinn og borðuðum kínverskan take-away við gosbrunn í miðbænum.
Ferðin til Lyon tekur einungis rúman klukkutíma og stefnan er að fara aftur þangað fljótlega. Í Lyon eru mjög oft haldnir stórir tónleikar, Robbie Williams spilaði þar um daginn og við erum að krossleggja fingurna um að Britney Spears heiðri okkur með nærveru sinni sem fyrst :-D

Skrifad 11/24/2003 | Jón Þór Sigurvinsson |

Gestir
Nú er búið að kveikja á ofninum, taka fram sparistellið, pússa kristalinn og bóna marmarann. Mundi og Svanhildur eru á leiðinni til okkar í sveitina og ætla að gista hér í nótt. Á morgun er förinni heitið til Lyon. Við ætlum að kíkja á borgina og líklega í nokkrar búðir, eða eins og Guðrún orðaði það "JÓLAINNKAUP JIBBÍÍÍÍ!!"
Skrifad 11/21/2003 | Jón Þór Sigurvinsson |

Beajolais
Jæja við vorum að koma inn úr dyrunum af Beajolais hátíðinni, klukkan er 8 um morguninn. Hátíðin var snilld, myndir koma fljótlega.
Skrifad 11/20/2003 | Jón Þór Sigurvinsson |

Verkfall
Jæja þá er komið að því. Ég er búinn að fá nóg af skólanum og ég er farinn í verkfall ásamt hinum stúdentunum í frakklandi. Já það er rétt, franskir stúdentar eru farnir í verkfall, ótrúlegt en satt. Ég hélt að það væri ekki hægt að fara í verkfall þegar viðkomandi er að þiggja þjónustu í boði annarra skattgreiðenda, í mesta lagi mótmæla eða kannski hringja í þjóðarsálina....jæja ég er allavega farinn að kasta eggjum. Svanhildur útskýrir nánar hér.
Skrifad 11/19/2003 | Jón Þór Sigurvinsson |

BMW í gám á morgun
Nú fer bíllinn okkar í gám til Rotterdam á morgun. Stefnt að því að sækja hann á föstudaginn þarnæsta. Við gerðum talsverða tilraun til að setja í hann loftkælingu með hjálp góðra manna á íslandi en það gekk því miður ekki. Við höfum því ákveðið að kaupa í hann 30 ferðaísskápa og nota þá sem loftkælingu í sumar.
Skrifad 11/18/2003 | Jón Þór Sigurvinsson |

Ennþá á toppnum
Erum enn ósigruð: Smelltu á mig
Skrifad 11/18/2003 | Jón Þór Sigurvinsson |

ADSL
Í dag hringdi ég í fyrirtækið sem við ætlum að skipta við fyrir ADSL og spurði hvað væri langt í þetta. Viðkomandi gat engu svarað. Ég sagði honum þá að við myndum skipta við eitthvað annað fyrirtæki og þá breyttist tónninn. Við fáum ADSL í næstu viku. Ástæðan fyrir þessum biðtíma er sú að fyrirtækið auglýsti þjónustu á u.þ.b. helmingi lægra verði en öll samkeppni og hafa fengið viðtökur eftir því. Við komum til með að borga 25€ á mánuði og greiðum 30€ fyrir módemið, sem verður að kallast mjög gott.
Skrifad 11/18/2003 | Jón Þór Sigurvinsson |

Tryggingar
Skemmtileg staðreynd um franskar tryggingar: Ef einhverjum einstaklingi (valinn af handahófi) dytti í hug að reyna að tryggja BMW hjá frönsku tryggingarfélagi myndi svarið augljóslega vera: "Nei!! við viljum ekki viðskiptin þín" og ef sama einstaklingi (einnig valinn af handahófi) dytti í hug að spyrja af hverju ekki, yrði svarið augljóslega: "Þú ert ekki orðinn 30ára gamall og bíllinn hefur fleiri en 50 hestöfl."
Skrifad 11/15/2003 | Jón Þór Sigurvinsson |

Uppgötvun
Í dag komst ég að því að það er hægt að ryksuga alla íbúðina án þess að skipta um innstungu!
Skrifad 11/14/2003 | Jón Þór Sigurvinsson |

Klifur
Ég fór aftur í klifur í dag. Ég klifraði utandyra í sól þó að það sé ekki beint hlýtt. Klifurleiðirnar sem ég fór voru að meðaltali 15-25 metrar að hæð og að erfiðleikastigi 6A ef það segir einhverjum eitthvað. Ég keypti klifurskó í dag og stefni að því að fara að klifra nokkrum sinnum í viku héðan í frá.

Við Jón skráðum okkur í ferð á Beaujolais hátíðina. Hún er næsta miðvikudag. Þetta er víst svaka hátíð með flugeldasýningu og dansleik til að halda upp á vínárganginn 2003. Við förum með nokkrum íslendingum á vegum frönskuskólans.
Skrifad 11/13/2003 | Gudrun Thorgeirsdottir |

Athugasemdir
Nú er skólinn að komast á fullt hjá mér. Ég er í skólanum alla daga nema mánudaga. Hins vega þarf ég að vera mættur kl. 8 á morgnana fimmtudaga og föstudaga og strætóinn er ekki sértaklega sammála mér um hvenær er best að fara. Ég þarf því að vakna kl. 5:50 þessa daga. Þetta lagast hins vega allt þegar bíllinn kemur til okkar.

Við erum sem sagt búin að ákveða að taka BMW-inn til frakklands. Hann fer vonandi í skip fimmtudaginn í næstu viku og við sækjum hann til Rotterdam á föstudegi viku seinna. Íslenskir vinir okkar, Svanhildur og Mundi ætla að keyra okkur þangað til að sækja bílinn og þaðan ætlum við að fara í road trip til Amsterdam og hvert sem okkur dettur í hug eftir það.

p.s. ég bætti við svona athugasemdafídus á síðuna þar sem allir geta skilið eftir athugasemdir á hvert blogg sem við skrifum.
Skrifad 11/13/2003 | Jón Þór Sigurvinsson |

Ný síða
Jæja nú er nýja síðan tilbúin. Við komumst að því að interntefyrirtækið sem við ákváðum að skipta við tekur sér 21 dag til þess að koma ADSL módeminu til okkar. Í byrjun næstu viku eru komnir 21 dagar. Um leið og við fáum tenginguna þá koma fullt af myndum. Við verðum líka talsvert duglegri núna að uppfæra.
Skrifad 11/10/2003 | Jón Þór Sigurvinsson |

Enn á lífi
Já við erum á lífi. Okkur hefur því miður ekki enn tekist að fá ADSL. Erum búin að vera með módemtengingu í 2 vikur en það er ekki hægt að setja inn myndir með módemi svo við eigum inni slatta af myndum. Við fórum í heimsókn til Fúsa og Eddu í Munchen, foreldrar mínir komu í heimsókn, Brynjar og Gunni komu í heimsókn, Sigfús og Edda komu í heimsókn og svo höfum við verið að kynnast fólki hér, bæði íslensku og frönsku. Við hendum inn fullt af myndum þegar við fáum netið.....mjög fljótlega.
Skrifad 11/10/2003 | Jón Þór Sigurvinsson |

Íbúðin
Jæja nú erum við flutt inn. Hér eru nokkrar myndir af íbúðinni, meira seinna. Myndir
Skrifad 11/10/2003 | Jón Þór Sigurvinsson |

Myndir
Hér eru nokkrar myndir í viðbót. Við fáum íbúðina afhenta á mánudaginn 15. sept. Myndir
Skrifad 11/10/2003 | Jón Þór Sigurvinsson |

Byrjun
Því miður höfum við ekkert getað uppfært. Við vorum hins vegar að skrifa undir leigusamning í gær og fáum vonandi afhent innan viku. Þá fáum við okkur ADSL og þá heyrist mikið meira í okkur. Hérna eru nokkrar myndir sem við tókum í Grenoble, ótrúlega fallegt hér. E.T.A. ný síða 2 vikur. Myndir
Skrifad 11/9/2003 | Jón Þór Sigurvinsson |